Gure ametsa etxe hau hazkuntza eta eraldatze gune bat bihurtzea da… Benetan etortzeko gogoa sentitzen duen jendea etor dadila. Barruko eta kanpoko bakea bilatzen duen jendea. Hazi eta hegan egiten ikasi nahi duten pertsonak. Naturarekin eta bere barneko NI-arekin konektatu nahi duten pertsonak, ondoren, desio dugun gizarte eraldaketan beste batzuei zerbitzatzeko… Mundua aldatzeko NI aldatu behar naizela uste dugulako…
Dena NI NAIZ-etik hasten delako…
Biezko Baserria XVIII. mendeko baserri bat da. Ia 20 urtez ilusioz eta esfortzu handiz berritzen joan garena. Bidean, etxearen mantenurako eta hobetzen jarraitzeko beharrezko diren ofizio eta jakintzak ikasi ditugu, baserri baten obrak inoiz ez direla amaitzen badakigulako…
Anboto mendi mitiko eta magikoaren magalean kokatuta eta Urkiolako Parke Naturalari itsatsita, Atxondoko haran zoragarri eta idilikoan gaude. Euskal Herriko bihotzean, toki ezin hobea izanik Donostia, Bilbo edo Gasteiz bisitatzeko; baita Elorrio, Durango edo Gernika bezalako herriak, edo Lekeitio, Laida eta Laga hondartza ikusgarriak edo Urdaibaiko erreserba naturala ezagutzeko.
Etxea bi zatitan banatua dago: eskuineko aldean gure bizilekua, eta ezkerreko eta atzeko aldeetan gaur egungo nekazalturismoa osatzen dutenak.
Sei logela bikoitz ditugu, guztiak bainugela propioarekin. Sukalde zabala eta tximinia duen egongela handia ere bada. Etxea 12 lagunentzat gomendatua den arren, ohe gehigarriekin, 24 lagunentzako lekua eskaini dezakegu.
Etxea osorik edo logelaka alokatu daiteke, sukaldea erabiltzeko aukerarekin. Printzipioz ez dugu bazkeririk edo afaririk eskaintzen, baina tarteka animatzen gara eta salbuespenak egiten digutu aldez aurretik abisatuta…
Logela guztiek dituzte erosotasun batzuk. Zure egonaldiaz gozatzera bakarrik etor zaitezen, lanagatik edo senide eta lagunekin bada ere.
SUKALDE-JANGELA
WIFIA DOAN
TELEBISTA
APARKATZEKO GUNEA
BAINUGELA GELAN
TXIMINIA ETA BEROGAILUA
